آغاز سخن سكز يوز يكرمى ايكى سنه‌سى ذى القده سنده ختاى پادشاهنه ميرزا شاهرخ سلطانك كوندرديكى ايلچيلريله معا بايسنقر ميرزانك « 1 » ارسال ايتديكى خواجه غياث الدين

--> ( 1 ) ميرزا بايسنقر - مشار اليه شاهرخ سلطانك مخدوميدر . 802 سنه سنده تولد ايتمشدر . هرات واليسى ايكن پدرى حياتنده 837 سنه سنده اوتوزبش ياشنده اولديغى حاده هراتده باغ سفيد ديدكلرى باغده كثرت عيش و عشرتدن وفات ايتدى . غايت معارفپرور ايدى . ياپد يردابغى دائرهء مخصوصه‌ده قرق عدد مشهور خطاط ، كيجه كوندز ناديده كتابلر يازارلردى . بر اولقدر مجلد ، مذهب مصورلر بو كتابلرى تجليد ، تذهيب ، تصوير ، تزيين ايدرلردى حطاطلق زرافشانلق مذهبلك مصورلك ، مجلدلك بوذاتك همتيله فوق‌العاده ترقى ايتمشدر . و زماننده يازيلان كتابلر قدر بر كيمسه زماننده كتب نفيسه و بديعه يازلمامشدر . استانبولك هر بر كتبخانه سنده لا اقل بردانه و بعضيلرنده دهاچوق مشار اليهك زماننده يازيلان نفيس نسخه‌لردن موجوددر كه بونلرك جمله سى شايان زيارتدر . خلاصه بو ذاتك زمانى كبى هيچ بر زمانده علم و فن و هنر رواج بولمامش . و صاحبلرى اولقدر عزيز و معتبر طوتلمامشدر . نه جاره كه بويله بر شهزادهء بىنظيرى كثرت عيش و عشرت هنوز كنج ايكن محو و هبا ايتدى . قبرى مشهد امام رضاده والده‌لرى كوهرشاد مدرسه سنده در . شهزادهء مشار اليه خط تعليقده استاد بىهمتا و شعرده دخى يكتا ايدى . بو سفارتنامه مشار اليهك كوندرديكى خواجه غياث الدين كبى فاضل بر ايلچيدن يادكار قالمشدر . شو ايكى بيت فارسى شهزادهء مشار اليهك آثار نزيهه سندندر .